NEW லஞ்சம் வாங்க மாட்டேன், லஞ்சம் கொடுக்காதீர் - பெயர் பலகை வைத்து விழிப்புணர்வு ஏற்படுத்திய வி.ஏ.ஓ.

விழுப்புரம் மாவட்டம், மேல்மலையனூர் வட்டம், கோட்டப்பூண்டி கிராமத்தில் பணியாற்றி வரும் கிராம நிர்வாக அலுவலர் அன்பழகன், லஞ்ச ஒழிப்பு குறித்த விழிப்புணர்வை ஏற்படுத்தும் வகையில் தனது அலுவலகப் பெயர் பலகையில் அதிரடியான வாசகங்களைப் பதிவு செய்துள்ளார்.அவரது அலுவலகப் பெயர் பலகையில், லஞ்சம் தவிர்; நெஞ்சம் நிமிர் மற்றும் நான் லஞ்சம் வாங்க மாட்டேன் நீங்களும் லஞ்சம் கொடுக்காதீர் என்ற வாசகங்களைப் பொறித்துள்ளார்.அரசின் சான்றிதழ்கள், பட்டா மாறுதல் உள்ளிட்ட பல்வேறு சேவைகளைப் பெற பொதுமக்கள் அரசு அலுவலகங்களை அணுகும் நிலையில், லஞ்சமற்ற நிர்வாகத்தை வலியுறுத்தும் வகையில் கிராம நிர்வாக அலுவலர் அன்பழகன் மேற்கொண்டுள்ள இந்த முயற்சி பொதுமக்களிடையே வரவேற்பைப் பெற்றுள்ளது.லஞ்சத்திற்கு எதிராகத் துணிச்சலுடன் விழிப்புணர்வு ஏற்படுத்தி வரும் அவரது நேர்மையான செயல்பாடு, மற்ற அரசு அலுவலர்களுக்கும் இளைஞர்களுக்கும் சிறந்த முன்மாதிரியாக அமைந்துள்ளது.இதற்காக கிராம நிர்வாக அலுவலர் அன்பழகனுக்கு பொதுமக்களும் சமூக ஆர்வலர்களும் பாராட்டுகளைத் தெரிவித்து வருகின்றனர்