காரைக்கால்  பகுதியைச் சேர்ந்த மலர்கொடி (25) என்பவருக்கும், மயிலாடுதுறை மாவட்டம் சீர்காழி தாலுகா மங்கைமடம் பிள்ளையார் கோவில் தெருவைச் சேர்ந்த அருண் என்பவருக்கும் கடந்த ஜூலை மாதம் 12ம் தேதி திருமணம் நடைபெற்றுள்ளது. திருமணத்தின் போது பெண் வீட்டார் சார்பில் 19 பவுன் நகை மற்றும் சீர்வரிசைப் பொருட்கள் வழங்கியுள்ளனர்.    

  இந்நிலையில், முதலிரவு முடிந்த மறுதினமே  கணவர் அருண் மதுபோதையில்  வந்து மனைவி உடைமாற்றுவதை வீடியோ எடுத்துள்ளார், இதைக் கண்டு பதறிப்போன மலர்க்கொடி தடுத்துள்ளார், இரவு நேரம் வந்தால் பல்வேறு ஆண் பெண்களின் ஆபாச வீடியோக்களைக் காட்டி, இயற்கைக்கு மாறான கட்டாய பாலியல் துன்புறுத்தலில் ஈடுபட்டுள்ளார்,  லைவ் சாட் மூலம் நிறைய சம்பாதிக்கிறேன் இதற்கு ஒத்துழைப்பு கொடு நல்ல வருமானம் பார்க்கலாம் என்று பேசியதுடன்,  முதலிரவு காட்சியையும் நான் வெளியிட்டுள்ளேன் என அதிர்ச்சி தகவலை தெரிவித்துள்ளார்.     தினந்தோறும் வற்புறுத்தி நிர்வாண வீடியோ எடுப்பது  வாடிக்கையானது. இரவு வந்தாலே வேதனையாக இருந்ததால்  தந்தையற்ற தாயை நினைத்து வெளியில் சொல்லாமல் நரக வேதனையை அனுபவித்து வந்துள்ளார்,  மேலும்  இரண்டு செல்போன்கள் மற்றும் ஒரு டேப்  வைத்து லைவ்சாட் நடத்தி வந்துள்ளது தெரியவந்தது, அவருக்குத் தெரியாமல் ஒரு செல்போனை எடுத்துப் பார்த்ததில் அதில் 30க்கும் மேற்பட்ட பெண்களுடன் தனது கணவர் ஆபாசமாக இருக்கும் படங்களை பார்த்து அதிர்சியடைந்துள்ளார். அருணின் தாயாரும் இதற்கு உடந்தையாக இருந்துள்ளார். ஒரு செல்போனை மலர்க்கொடி கைப்பற்றியுள்ளார். திருமணமான 15 தினங்களுக்குள்   நிலைமை மோசமாக மாறி மதுபோதையில் அடித்து துன்புறுத்தியுள்ளார். இதனால் மயக்கமடைந்துள்ளார்.    மலர்க்கொடியின் பெற்றோர் வந்து அவரை அழைத்துச் சென்று காரைக்கால் மருத்துவமனையில் கொண்டுபோய் காட்டியபோது உடல் முழுவதும் ரணகளமாக இருந்ததைக் கண்டு கண்ணீர் வடித்துள்ளனர், பாலியல் தொந்தரவு குறித்து தனது பெற்றோரிடம் அதிகமாக கூறவில்லை. ஒரு மாதம் கழித்து அருண் தரப்பிலிருந்து  வந்து சமாதானம் பேசி கடந்த ஆகஸ்ட் மாதம் 26ம் தேதி அழைத்துச் சென்றுள்ளனர்.  27ம் தேதி  மீண்டும்  செக்ஸ்  டார்ச்சர் ஆரம்பித்துவிட்டது,   மனைவியையும் இணையதள நேரலை  வீடியோக்களில் நிர்வாணமாகத் தோன்றுமாறு வற்புறுத்தி வந்துள்ளார். அதற்கு ஒத்துவராததால் அவரது ஆடைகளை கிழித்து அடித்து உதைத்து நெஞ்சில் மிதித்து கொலை செய்ய முயற்சித்துள்ளார், அவரது தாயார் இதனை பார்த்துக் கொண்டேயிருந்ததாக கூறுகிறார்.  மலர்க்கொடி மயக்கமடைந்து விழுந்ததும் மனைவியை திருவெண்காடு அரசு மருத்துவமனையில் சேர்த்துவிட்டு ஓடிவிட்டார். அவர்கள் மலர்க்கொடியின் பெற்றோருக்கு தகவல் தெரிவித்துள்ள னர், உடல்முழுவதும் வீங்கியும் ரத்தப்போக்கு கடுமையாக இருந்ததால் உடல்நிலை மோசமாகியது உடனடியாக சீர்காழி அரசு மருத்துவமனைக்குக் கொண்டு சென்று சிகிச்சையில்  சேர்த்துள்ளனர்.  திருவெண்காடு போலீசார் வந்து விசாரித்ததில் லைவ் சாட் மூலம் பல பெண்களை நாசம் செய்து சொகுசு வாழ்க்கை நடத்துவதாகவும்  அதற்கு ஆதாரம் அவனது செல்போனும் டேப்பும்தான் என்று கூறியுள்ளார்.  உடல்நிலை மிகவும் மோசமான இருந்ததால் மீண்டும் காரைக்கால் அரசு மருத்துவமனையில் ஐசியுவில் சேர்த்து சிகிச்சை நடந்தது. திருவெண்காடு போலீசார்  அருணை அழைத்துச் சென்று  செல்போனை கைப்பற்றினர், அதில் வீடியோக்கள் அழிக்கப்பட்டுள்ளது தெரியவந்தது.  

 உடனடியாக அருணிடமிருந்து ஒரு புகாரை வாங்கி மலர்க்கொடியை விசாரிக்க அழைத்தனர்,    செப்டம்பர் 1ம்தேதி சிகிச்சை முடிந்து வெளியே வந்த மலர்க்கொடி தான் வைத்திருந்த அருணுடைய செல்போனுடன் செப்டம்பர் 2ம் தேதி மயிலாடுதுறை மாவட்டக் காவல் கண்காணிப்பாளர் சிநேகப்பிரியாவிடம் புகார் அளித்து நடந்த கொடுமையைப் பற்றி கூறினார். சீர்காழி அனைத்து மகளிர் காவல்நிலைய ஆய்வாளர் சுகுணா புகாரைப் பெற்று மங்கைமடம் சென்று அருண் வீட்டை சோதனை செய்து, வீட்டில் அருண் இல்லாததால் அங்கிருந்த பல்வேறு சாதனங்கள் மற்றும் டேப்பை கைப்பற்றிச் சென்றுள்ளனர்.  

 வழக்குப் பதிவு செய்யப்பட்டதையறிந்த அருண் தற்கொலை முயற்சி நாடகம் ஆடியுள்ளார்.   தமிழக பட்ஜெட் கூட்டத்தொடர் நடைபெற்று வருகிறது, இந்தப் பிரச்னை பெரிய விளைவை ஏற்படுத்தும் என்று போலீசார் அருணைக் கைது செய்யும் நடவடிக்கையை தள்ளிப் போட்டதாக கூறப்படுகிறது. போலீசார் நடவடிக்கை எடுக்கவில்லை, 

 மருத்துவமனயிலிருந்து வெளிவந்த அருண் ஹாயாக வெளியில் ராஜா போல் சுற்றித் திரிகிறார், பெண் வீட்டாரை மிரட்டியுள்ளார், தன்னிடம் பணம் இருப்பதாகவும் என்னால் எதுவும் செய்ய முடியும் என்று மிரட்டி வருகிறார். புகார் அளித்து ஒரு மாதமாகியும் இதுவரை இந்த செய்தி வெளிவரவில்லை அருணும் கைதாகவில்லை, என் மானம் போனாலும் பராவாயில்லை தன்னை சித்திரவதை செய்து சீரழித்தவனின் செயல் வெளியில் தெரிய போலீசார் நடவடிக்கை எடுக்க வேண்டும் என்ற எண்ணத்துடன் மயிலாடுதுறை மாவட்டக் காவல் கண்காணிப்பாளர் சிநேகப்பிரியாவிடம் இரண்டாவது முறையாக மனு ஒன்றை அளித்துள்ளார். நடவடிக்கை இல்லை என்பதால் அங்கிருந்த செய்தியாளர்களிடம், தான் பாதிக்கப்பட்ட செய்தியை கூறி மன வேதனை அடைந்தார். திருவெண்காடு போலீசார் வைத்துள்ள அருணின் செல்போனை இதுவரை போலீசார் கைப்பற்றவில்லை, அழிக்கப்பட்ட ஆபாச வீடியோக்களை ரெக்கவரி எடுக்கவில்லை, மேலும் ஆதாரமாக பாதிக்கப்பட்ட பெண் மலர்க்கொடியிடம் உள்ள அருணின் செல்போனை கைப்பற்றி வழக்கில் சேர்க்கவில்லை,

இதுகுறித்து அவரது பெரியம்மா கூறுகையில், என் பெண்ணை மட்டுமல்ல, 30க்கும் மேற்பட்ட பெண்களை சீரழித்துள்ளான், பாதிக்கப்பட்ட கடைசி பெண்ணாக அவள் இருக்கவேண்டும், இந்த செய்தி சிஎம்முக்குப் போகுமா, சிஎம் சார் நடவடிக்கை எடுங்க சார், எங்களுக்கு ஆண் துணை கிடையாது சிஎம் சார், என உருக்கமாக வேண்டுகோள் விடுத்துள்ளார்.   

 பொய்யான ஆபாச வீடியோவைக் காட்டி தருமை ஆதீனத்தை மிரட்டினார் என்ற புகாரை வாங்கிய மயிலாடுதுறைபோலீசார் பாஜக மாவட்ட தலைவரான அகோரத்தை மும்பை வரை விமானத்தில் பறந்து சென்று கைது செய்து கொண்டுவந்து காவலில் அடைத்தது, ஆனால் 15 தினங்களாக சித்திரவதை அனுபவித்த பெண், உடலில் காயங்கள், கொடூரனின் காம விளையாட்டு அடங்கிய வீடியோக்களைக் காட்டியும் அருணைக் கைது செய்யாதது வியப்பாக உள்ளது என சமூக ஆர்வலர்கள் கேள்வி எழுப்புகின்றனர்.