NEW கௌசானல் கலை மற்றும் அறிவியல் கல்லூரியில், தொழில் வழிகாட்டுதல் நிகழ்ச்சி

இராமநாதபுரம் மாவட்டம், முத்துப்பேட்டை,  கௌசானல் கலை மற்றும் அறிவியல் கல்லூரியில் அரசு வேலைவாய்ப்புகள் மற்றும் போட்டித் தேர்வுகள் குறித்த விழிப்புணர்வை ஏற்படுத்தும் நோக்கில் மாணவர்களுக்கான தொழில் வழிகாட்டுதல் நிகழ்ச்சி ஏற்பாடு செய்திருந்தனர்.இந்நிகழ்ச்சியில் மாவட்ட வேலைவாய்ப்பு அலுவலர் திரு. பால முரளி, இளநிலை வேலைவாய்ப்பு அலுவலர் திரு. மார்த்தாண்ட பூபதி மற்றும் இளநிலை உதவியாளர் திரு. மோகன்தாஸ் ஆகியோர் கலந்துகொண்டனர். இந்நிகழ்ச்சி கல்லூரிச் செயலாளர் அருட்சகோதரர் L.சூசைநாதன் (SHJ), முதல்வர் அருட்சகோதரர் T. அருள் ராஜா (SHJ), துணை முதல்வர் திருமதி V.சசி ரேகா, திட்ட ஒருங்கிணைப்பாளர் திருமதி K.சுஜாதா மற்றும் வேலைவாய்ப்பு பிரிவு அலுவலர் திரு. K.அப்துல் ரகுமான் ஆகியோர் முன்னிலையில்  நடைபெற்றது.வழிகாட்டியாக வருகை தந்தவர்கள், பல்வேறு வேலைவாய்ப்புகள், குரூப் தேர்வுகள் (Group Examinations) மற்றும் போட்டித் தேர்வுகளுக்குத் தயாராவதன் அவசியம் குறித்து மதிப்புமிக்க ஆலோசனைகளை வழங்கினர். மாணவர்கள் தங்கள் ஆர்வங்களைக் கண்டறிந்து, திறன்களை வளர்த்துக்கொண்டு, தங்கள் தொழில் இலக்குகளை அடைய முறையாகத் தயாராகுமாறு அவர்கள் ஊக்கப்படுத்தினர்.இந்த நிகழ்ச்சி மாணவர்களுக்கு மிகவும் பயனுள்ளதாகவும், வேலைவாய்ப்புகள் மற்றும் தொழில் திட்டமிடல் குறித்த தெளிவான புரிதலைப் பெற உதவும் வகையிலும் அமைந்திருந்தது.நிகழ்ச்சியின் இறுதியில் நன்றியுரையுடன் நிகழ்வு நிறைவுபெற்றது