NEW திருச்செந்தூர் கந்தசஷ்டி விழா முன்னேற்பாடுகள் குறித்து, அமைச்சர் ஸ்ரீநாத் தலைமையில் ஆலோசனை கூட்டம்

தூத்துக்குடி மாவட்டம், திருச்செந்தூர் அருள்மிகு சுப்பிரமணியசுவாமி திருக்கோவில் கலையரங்கத்தில் 2026ம் ஆண்டு கந்தசஷ்டித் திருவிழா முன்னேற்பாடு பணிகள் குறித்து அனைத்துத் துறை அலுவலர்களுடனான ஆய்வுக் கூட்டம் மீன்வளம் மற்றும் மீனவர் நலத்துறை அமைச்சர் ஆ.ஸ்ரீநாத் தலைமையிலும், மாவட்ட ஆட்சியர் விஷு மகாஜன், மாவட்ட காவல் கண்காணிப்பாளர் இரா.சிவபிரசாத், ஆகியோர் முன்னிலையிலும் நடைபெற்றது.பின்னர் அமைச்சர் ஆ.ஸ்ரீநாத், திருச்செந்தூர் திருக்கோவிலின் கடற்கரை பகுதியினை துறை அலுவலர்களுடன் ஆய்வு மேற்கொண்டார்.இந்நிகழ்வில் திருச்செந்தூர் அருள்மிகு சுப்பிரமணியசுவாமி திருக்கோவில் அறங்காவலர் குழு தலைவர் அருள்முருகன், கூடுதல் காவல் கண்காணிப்பாளர் திபு, இந்து சமய அறநிலையத்துறை இணை ஆணையர்கள் அருணாச்சலம் (திருச்செந்தூர்),  ரோஜா லி சுமேதா, திருச்செந்தூர் வருவாய் கோட்டாட்சியர் கௌதம், துணை காவல் கண்காணிப்பாளர் (திருச்செந்தூர்) மகேஷ்குமார். அறங்காவலர் குழு உறுப்பினர்கள் பிரபாகர், செல்வராஜ் மற்றும் அரசு துறைச் சார்ந்த அலுவலர்கள் பலர் உடனிருந்தனர்