சேலத்தில் இன்று செய்தியாளர்களை சந்தித்த காவிரி உரிமை மீட்பு குழு மற்றும் கள் விடுதலை இயக்கத்தின் மாநிலத் தலைவர் நல்லுசாமி, தமிழகம் முழுவதும் கள் இறக்குவதற்கு தமிழக அரசு உடனடியாக அரசாணை வெளியிட வேண்டும், காவிரியில் தமிழ்நாட்டிற்கு உரிய நீரை பெற்று தருவதற்கு எந்த அரசியல் இயக்கமும் முழு மனதோடு இதுவரை செயல்படவில்லை, தமிழக முதல்வர் விஜய் தற்போது ஏராளமான இலவச திட்டங்களை அறிவித்து வருகிறார், அந்த அனைத்து இலவச திட்டங்களும் தமிழக மக்களின் வரிப்பணத்தில் இருந்து தான் அறிவிக்கப்படுகிறது. இலவசத் திட்டங்களுக்காக செயல்படும் தொகையை விவசாயத்திற்காக பயன்படுத்தினால் விவசாயம் மற்றும் விவசாயிகள் முன்னேற்றம் அடைந்து நாட்டின் உற்பத்தியும் பெருகும், மேலும் தமிழகத்தில் கள் இறக்குவதற்கு தமிழக முதல்வர் அனுமதி தர வேண்டும், அதேபோல அவர்களது தேர்தல் அறிக்கையில் அறிவித்தபடி விவசாயிகளுக்கான அனைத்து பயிர் கடன்களையும் உடனடியாக தள்ளுபடி செய்ய வேண்டும், அப்படி செய்யாத பட்சத்தில் முதல்வர் உடனடியாக தனது பதவியை ராஜினாமா செய்ய வேண்டும், மேலும் தமிழகத்தில் உள்ள பல்வேறு அரசியல் இயக்கங்களில் பிரபலமான சினிமா நடிகர்கள் மற்றும் நடிகைகள் பொறுப்பில் இருந்து வருகின்றனர். அதுபோல தங்களது இயக்கத்திலும் பிரபல நடிகைகள் நயன்தாரா, கீர்த்தி சுரேஷ், குறிப்பாக முதல்வருடன் பல்வேறு திரைப்படங்களில் நடித்த திரிஷா, உள்ளிட்ட நடிகைகள் தங்களது இயக்கத்தில் தலைவிகளாக இருந்திருந்தால், விவசாய பெருங்குடி மக்களின் பல்வேறு கோரிக்கைகள் என்றைக்கோ நிறைவேறி இருக்கும். அதுபோன்ற சினிமா நடிகைகள் தங்கள் இயக்கத்தில் தலைவிகளாக பொறுப்பேற்பார்களா? என்பதும் கேள்விக்குறியாக உள்ளது என நல்லுசாமி பேசியிருப்பது பெரும் சர்ச்சையை தமிழக அரசியலில் ஏற்படுத்தி உள்ளது. மேலும் நடிகைகள் குறித்து தான் பேசியதற்காக தமிழக அரசு தன் மீது வழக்கு தொடர்ந்தால் பார்த்துக் கொள்கிறேன் அதற்கு தன்னிடம் தைரியம் உள்ளது என பேசியுள்ளார்.