அதிமுக பொதுச் செயலாளர் எடப்பாடி பழனிசாமி சேலம் மாவட்டம் ஓமலூரில் கட்சி அலுவலகத்தில் புறநகர் மாவட்ட நிர்வாகிகளுடன் ஆலோசனையில் ஈடுபட்டார். செய்தியாளர்களை சந்தித்தபோது;  தமிழகத்தில் தற்போது ஆட்சி நடத்திக் கொண்டிருக்கும் தமிழக வெற்றி கழகத்தின் தலைவர் விஜய் தலைமையிலான அரசு ஒரு டம்மி அரசு, எந்தத் துறையிலும் நிர்வாகத் திறமை இல்லாதவர்களை அமைச்சர்களாக நியமித்து தமிழக அரசு இயந்திரத்தை பழுதாக்கி வருகிறார். ஆந்திரா, கர்நாடகா, கேரளா, உள்ளிட்ட மாநிலங்களில் தனியார் மின்சார கொள்முதல் குறைந்த விலைக்கு வாங்கும் பொழுது தமிழக அரசு மட்டும் கூடுதல் விளைவை வைத்து 35 ரூபாய்க்கு ஒரு யூனிட் மின்சாரம் எதற்காக வாங்கப்படுகிறது. திறமையற்ற ஒரு அமைச்சரை நியமித்ததின் விளைவாக தற்போது தமிழகமே இருண்டு காணப்படுகிறது. மேலும் தலைமைச் செயலகத்திலேயே அதிகப்படியான நேரம் மின்சாரம் துண்டிக்கப்படுவது வேதனை அளிக்கிறது. மற்ற மாநிலங்களை விட அதிக தொகை கொடுத்து மின்சாரம் வாங்குவது மிகப்பெரிய ஊழலுக்கு வழிவகுக்கிறதோ என்ற சந்தேகம் ஏற்படுகிறது, மேலும் இதன் மூலம் மின்வாரியத் துறையில் மாபெரும் ஊழல் நடைபெறுவதற்கு இந்த அதிகப்படியான தொகை கொடுத்து மின்சாரம் வாங்குவது பிள்ளையார் சுழி போட்டது போல் உள்ளது. மின்சாரத் துறையில் மட்டுமல்ல பொதுப்பணித்துறை, நெடுஞ்சாலைத்துறை, தொழில் துறை, உள்ளிட்ட பல்வேறு துறைகளில் ஊழல் நடைபெறுவதாக நாள்தோறும் செய்திகள் வருகிறது. தங்கள் அரசு ஊழலற்ற அரசு ஊழல் செய்தவர்களை விட மாட்டோம் என்று கூறிவரும் முதல்வர் இதற்கெல்லாம் என்ன பதில் சொல்லப் போகிறார். மேலும் அதிமுகவிலிருந்து வெற்றி பெற்ற எம்எல்ஏக்களை குதிரை பேரம் பேசி விலைக்கு வாங்கி அவர்களை ராஜினாமா செய்த வைத்து மீண்டும் தேர்தலில் நிற்க வைத்து அவர்களை வெற்றி பெறச் செய்து தங்களது கட்சியில் இணைத்துக் கொண்டதற்கு முதல்வர் விஜய் வெட்கப்பட வேண்டும், மேலும் அமைச்சர் செங்கோட்டையன் கடந்த இரு தினங்களுக்கு முன்பு அதிமுகவிலிருந்து மேலும் பதினைந்து எம்எல்ஏக்கள் வருவார்கள் என்று கூறியிருப்பது அவரது கற்பனை திறனை காட்டுகிறது. தமிழக வெற்றிக் கழகத்திலிருந்து அதிமுகவிற்கு 27 எம்எல்ஏக்கள் வர தயாராக உள்ளனர் என்று கூட நான் சொல்லலாம், அதிமுகவை அழிக்க நினைத்தவர்கள் தான் அழிந்து போய் உள்ளனர். இந்த எக்கு கோட்டையில் மோதி மண்டையை உடைத்துக் கொள்ள வேண்டாம், மக்களின் பிரச்சினைகளுக்காக என்றுமே அதிமுக அரசு போராட தயாராக உள்ளது. நடைபெற்று முடிந்த தாராபுரம் மற்றும் மதுராந்தகம் இடைத்தேர்தலில் ஆளுங்கட்சியின் அதிகார துஷ்பிரயோகம் மற்றும் பண பலம் ஆகியவற்றை கொண்டு இரு வேட்பாளர்களையும் வெற்றி பெறச் செய்துள்ளனர், ஓட்டுக்கு பணம் கொடுக்கவில்லை என்று மார்தட்டிக் கொள்ளும் ஆளும் கட்சியினர் தாராபுரம் தொகுதியில் டிபன் பாக்ஸ் மூலம் பணம் பட்டுவாடா செய்தது உறுதி செய்யப்பட்டிருக்கிறது. மேலும் தமிழக அரசு அலுவலகங்களில் பல மாவட்டங்களில் தினந்தோறும் அரசு அதிகாரிகள் லஞ்சம் பெற்றுக் கொண்டதால் கைது செய்யப்பட்டனர் என்ற செய்திகள் ஊடகம் மற்றும் செய்தித்தாள்களில் பார்க்க முடிகிறது, இதுதான் ஊழலற்ற நேர்மையான ஆட்சியா, கடந்த நான்கு மாதத்திற்கு முன்பே மின்சார கொள்முதல் செய்திருக்க வேண்டும் ஆனால் அப்போது செய்யாமல் இப்போது அவசரகதியில் செய்வது ஏன்? அமைச்சர் ஆதவ் அர்ஜுனா அதிமுகவில் இருந்து 1500 கிளைச் செயலாளர் 500 பகுதி செயலாளர் தமிழக வெற்றி கழகத்திற்கு வருவார்கள் என்று கூறுவது அவரது சொந்த கருத்து அது கற்பனையானதும் கூட, அதிமுகவிற்கு துரோகம் செய்தவர்கள் தான் கட்சியிலிருந்து விலகி உள்ளனர். அதிமுகவின் அடிவேறாக உள்ள தொண்டர்கள் இருக்கும் வரை அதிமுகவை எந்த கொம்பனாலும் அசத்து பார்க்க முடியாது, ஆளும் தமிழக வெற்றிக்கலக அரசுக்கு மக்களுக்கு தினந்தோறும் செய்ய வேண்டிய நன்மைகளை குறித்த திட்டங்களை பேச முடியாமல் அதிமுகவை பற்றி பேசினால் தான் தங்கள் வண்டி ஓடும் என்ற நிலைமைக்கு தற்போது ஆளுங்க கட்சியினர் வந்துவிட்டனர். மேலும் அக்கட்சியில் எந்த ஒரு பகுதியிலும் கிளைச் செயலாளர் அவர்களும் பகுதி செயலாளர்களும் முழுமையாக அரசியல் பணியில் ஈடுபடாதால் அவர்களுக்கு பதிலாக துடிப்புடன் செயல்படும் அதிமுகவில் உள்ள பகுதி செயலாளர்கள் மற்றும் வட்டக் கழகச் செயலாளர்களை பணம் கொடுத்து ஏமாற்றி அவர்கள் கட்சிக்கு இழுக்கும் முயற்சி ஒருபோதும் பலிக்காது, எனவே அடுத்த கட்சியில் இருந்து ஆட்களை இழுத்து கட்சியை வளர்ப்பதை விட உங்களுடைய சொந்த முயற்சியில் உங்கள் கட்சியை வளர்ப்பதை பாருங்கள், அனைத்திந்திய அண்ணா திராவிட முன்னேற்றக் கழகத்திற்கு சிறப்பான எதிர்காலம் உண்டு, தனது தலைமையிலான நான்காண்டு கால ஆட்சியில் எண்ணற்ற திட்டங்கள் தமிழகத்திற்கு கொண்டுவரப்பட்டது, மேலும் இனி தமிழகத்தில் யார் முதலமைச்சராக பொறுப்பேற்றாலும் கூட தனது தலைமையிலான அம்மாவின் ஆட்சியில் நான்கு ஆண்டுகள் செய்யப்பட்ட சாதனைகளை இனி எந்த ஒரு ஆட்சியிலும் செய்ய முடியாது என்பதை சவால் விட்டு கூறுகிறேன், எனவே ஆளும் தரப்பினர் அதிமுக மீது நாள்தோறும் குற்றம் சுமத்து வரை விட்டுவிட்டு மக்களுக்கு நன்மைகளை எவ்வாறு செய்ய வேண்டும் என்பதை பற்றி யோசித்து அதற்கு தகுந்தார் போல் அவர்கள் நடந்து கொள்ள வேண்டுமே தவிர அதிமுகவை பற்றி பேசுவதற்கு யாருக்கும் எந்த தகுதியும் அருகதையும் கிடையாது அதிமுக ஒரு ஆலமரம் அதன் கீழ் எத்தனையோ விழுதுகள் உள்ளது. எனவே அதிமுகவை அசைத்துப் பார்க்க வேண்டும் என்ற முதல்வரின் எண்ணம் இனி பலிக்காது, பலிக்கவும் விடமாட்டேன். அதிமுக நிர்வாகிகள் மற்றும் தொண்டர்கள் சிறப்பான எதிர்காலத்தை எதிர்நோக்கி காத்திருக்கின்றனர் அவர்களின் நம்பிக்கையை விரைவில் நான் பூர்த்தி செய்தேன் என சேலத்தில் நடைபெற்ற அக்கட்சியின் ஆலோசனைக் கூட்டத்தில் எடப்பாடி பழனிசாமி தெரிவித்தார். இந்நிகழ்ச்சியில் அதிமுக புறநகர் மாவட்ட செயலாளர் இளங்கோவன், எம்எல்ஏக்கள் ஓமலூர் மணி, கெங்கவல்லி நல்லதம்பி, ஆத்தூர் ஜெயச்சந்திரன், ஏற்காடு உஷாராணி, மேட்டூர் வெங்கடாசலம், உள்ளிட்ட சேலம் புறநகர் மாவட்ட அதிமுக அனைத்து நிலை நிர்வாகிகள் இந்நிகழ்ச்சியில் கலந்து கொண்டனர்