இராமநாதபுரம் மாவட்ட கிரிக்கெட் சங்கம் (RDCA) சார்பில் 28வது ஆண்டு விழா பாரதி நகரில் உள்ள ஹோட்டல் வைஸ்ராயில்  நடைபெற்றது. இவ்விழாவிற்கு ராமநாதபுரம் மாவட்ட ஆட்சியர் மா.சிவகுரு பிரபாகரன், தலைமை விருந்தினராகவும், ராமநாதபுரம் மாவட்டக் காவல் கண்காணிப்பாளர் ஜி.சந்தீஷ், சிறப்பு விருந்தினராகவும் கலந்துகொண்டனர். மேலும் தமிழ்நாடு கிரிக்கெட் சங்கத்தின் (TNCA) பொருளாளர் ஆர்.ரங்கராஜன் மற்றும் உதவிச் செயலாளர் சி.மாரீஸ்வரன் ஆகியோர் சிறப்பு அழைப்பாளர்களாக பங்கேற்றனர். சங்கத்தின் தலைவர் டாக்டர் சி.பாரூக் அப்துல்லா மற்றும் செயலாளர் கே.டி.பிரபாகரன் ஆகியோர் விழாவை முன்னின்று நடத்தினர்.இவ்விழாவில் 2025–2026ம் ஆண்டிற்கான லீக் போட்டிகளில் முதல் டிவிஷனில் அபாரமாக விளையாடி வெற்றி வாகை சூடிய 'ஜென் 1 யுனைடெட் கிளப்' (Gen 1 United Club) அணிக்கு, மாவட்ட ஆட்சியர் மற்றும் மாவட்டக் காவல் கண்காணிப்பாளர் ஆகியோர் இணைந்து வெற்றிக் கோப்பையையும் சான்றிதழ்களையும் வழங்கிப் பாராட்டினர்.

(ஜென் 1 அணி 2024–2025ம் ஆண்டிற்கான இரண்டாம் டிவிஷன் போட்டியிலும் சாம்பியன் பட்டம் வென்றிருந்தது குறிப்பிடத்தக்கது).விழாவில் விளையாட்டு வீரர்கள், சங்க நிர்வாகிகள் மற்றும் கிரிக்கெட் ஆர்வலர்கள் பலர் கலந்துகொண்டு சிறப்பித்தனர்