தேனி நாடார் சரஸ்வதி பொறியியல் மற்றும் தொழில்நுட்பக் கல்லூரியில் மின் மேலாண்மை, இன்ஸ்ட்ருமென்டேசன் மெசர்மென்ட் பற்றிய விரிவுரை நிகழ்ச்சி நடைபெற்றது. இவ்விரிவுரை நிகழ்ச்சிக்கு கல்லூரியின் செயலாளர் திரு.A.S.S.S.சோமசுந்தரம், இணைச்செயலாளர் திரு.T.சுப்ரமணி ஆகியோர் வாழ்த்துரை வழங்கினார்கள். கல்லூரியின் எலக்ட்ரிக்கல் அண்டு எலக்ட்ரானிக்ஸ் இன்ஜினியரிங் துறையின் மூன்றாமாண்டு மாணவி S.பாண்டிச்செல்வி வரவேற்புரையாற்றினார். கல்லூரியின் முதல்வர் முனைவர்.C.மதளைசுந்தரம், அவர்கள் இவ்விரிவுரை நிகழ்ச்சியின் முக்கியத்துவத்தை பற்றி எடுத்துரைத்து வாழ்த்துரை வழங்கினார். இந்நிகழ்ச்சியில் கோவில்பட்டி நேஷனல் பொறியியல் கல்லூரியின் எலக்ட்ரிக்கல் அண்டு எலக்ட்ரானிக்ஸ் இன்ஜினியரிங் துறையின் பேராசிரியர் திரு.T.சாமுவேல் சுந்தராஜ் சற்குணர் அவர்கள் சிறப்பு விருந்தினராக கலந்து கொண்டு மாணவர்களிடையே இன்றைய மின் தொகுப்பு மேலாண்மை கருவியியல், அளவீடு மற்றும் கட்டுப்பாட்டு தொழில்நுட்பங்கள் குறித்து விரிவாக எடுத்துரைத்தார்.

மின் தொகுப்பு Grid. மேலாண்மை, மின் உற்பத்தி மற்றும் மின் தேவைக்கு இடையே சமநிலையைப் பராமரிப்பது மின் தொகுப்பு மேலாண்மையின் முக்கிய நோக்கமாகும். மின்சாரத் தேவை அதிகரிக்கும் நேரங்களில் கிடைக்கும் மின் உற்பத்தியை திறம்படப் பயன்படுத்துதல், மின்சுமையை கண்காணித்தல் மற்றும் மின் விநியோகத்தை சமநிலைப்படுத்துதல் போன்ற பணிகள் பற்றி விளக்கினார்.

நவீன தொழில்நுட்ப பயன்பாடு, தானியங்கி கட்டுப்பாடு அமைப்புகள், தொலைநிலை கண்காணிப்பு, ஸ்மார்ட் மீட்டர்கள் மற்றும் தரவு பகுப்பாய்வு போன்ற நவீன தொழில்நுட்பங்கள் மின் அமைப்பின் செயல்திறனை மேம்படுத்த உதவுகின்றன என்றும், இத்தொழில்நுட்பங்கள் மூலம் மின்சார விநியோகத்தை நிகழ்நேரத்தில் கண்காணித்து கோளாறுகளை விரைவாகக் கண்டறிந்து நடவடிக்கை எடுக்க முடிகிறது.

மேலும் மின்னழுத்தம், அதிர்வெண், மின்சுமை மற்றும் மின்தரம் ஆகியவற்றை தொடர்ந்து கண்காணிப்பதன் மூலம் பாதுகாப்பான மற்றும் நம்பகமான மின்சார விநியோகம் உறுதி செய்யப்படுவது.. மின் கோளாறுகள் ஏற்படும் போது பாதுகாப்பு அமைப்புகள் மூலம் பாதிக்கப்பட்ட பகுதிகளைன தனிமைப்படுத்தி விநியோகத்தை விரைவாக மீட்டெடுக்க நடவடிக்கைகள் பற்றி மாணவர்களிடையே எடுத்துரைத்து சிறப்புரையாற்றினார். இந்நிகழ்ச்சியில் சிறப்பு விருந்தினர் கல்லூரியின் நூலகத்திற்கு தேவையான புத்தகங்களை நன்கொடையாக வழங்கி சிறப்பித்தார்.

இந்நிகழ்ச்சியில் 100க்கும் மேற்பட்ட மாணவ/மாணவிகள் கலந்து கொண்டு மின் மேலாண்மை, இன்ஸ்ட்ருமென்டேசன் மெசர்மென்ட் பயன்பாடு பற்றி அறிந்து பயனடைந்தனர். இந்நிகழ்ச்சியில் தேனி மேலப்பேட்டை இந்து நாடார்கள் உறவின்முறையின் தலைவர் திரு.A.S.G.தர்மராஜன், உபதலைவர் திரு.A.S.ஜீவகன் பொதுச்செயலாளர் திரு.M.M.ஆனந்தவேல், பொருளாளர் திரு.B.ராமச்சந்திரன் ஆகியோர் கலந்து கொண்டு சிறப்பித்தனர்.

இந்நிகழ்ச்சியில் கல்லூரியின் துணைமுதல்வர் முனைவர் M.சத்யா, எலக்ட்ரிக்கல் அண்டு எலக்ட்ரானிக்ஸ் துறையின் தலைவர் முனைவர் திருமதி.N.பாண்டிச்செல்வி மற்றும் பேராசிரியர்கள் கலந்து கொண்டனர். கல்லூரியின் எலக்ட்ரிக்கல் அண்டு எலக்ட்ரானிக்ஸ் இன்ஜினியரிங் துறையின் மூன்றாமாண்டு மாணவி.R.தாரணி அவர்கள் நன்றியுரை கூறினார்.