தேனி நாடார் சரஸ்வதி பொறியியல் மற்றும் தொழில்நுட்பக் கல்லூரியில் ஊட்டசத்து மாதவிழா 2026 முன்னிட்டு போஷன் மா  விழிப்புணர்வு நிகழ்ச்சி நடைபெற்றது. இவ்விழிப்புணர்வு நிகழ்ச்சியில் கல்லூரியின் செயலாளர் திரு.A.S.S.S.சோமசுந்தரம், இணைச்செயலாளர் திரு.T.சுப்ரமணி ஆகியோர் வாழ்த்துரை வழங்கினார்கள். கல்லூரியின் முதலாமாண்டு துறையின் மாணவி வருணிகா வரவேற்புரையாற்றினார். கல்லூரியின் முதல்வர் முனைவர்.C.மதளைசுந்தரம், அவர்கள் இந்நிகழ்ச்சியின் முக்கியத்துவத்தை பற்றி எடுத்துரைத்து வாழ்த்துரை வழங்கினார்.இந்நிகழ்ச்சியில் சிறப்பு விருந்தினராக ஒருங்கிணைந்த குழந்தைகள் வளர்ச்சி திட்ட பணியின் மாவட்ட திட்ட அலுவலர் திருமதி.S.ரேவதி, மற்றும் தேனி நகர்புற வட்டார குழந்தைகள் வளர்ச்சி திட்ட அலுவலர் திருமதி.செல்விசித்ரா கலந்து கொண்டு ஊட்டசத்து நிறைந்த உணவுகளை உட்கொள்வதன் முக்கியத்துவம், இரும்புச்சத்து மற்றும் புரதச்சத்து நிறைந்த உணவுகள்,குழந்தைகள் மற்றும் பெண்களின் ஊட்டசத்து தேவைகள், இரத்தசோகையைத் தடுக்கும் வழிமுறைகள் மற்றும் ஆரோக்கியமான வாழ்க்கை முறையைப்பின்பற்றுவதன் அவசியம் குறித்து எடுத்துரைத்தனர்.மேலும், சமச்சீர் உணவு உட்கொள்வதன் மூலம் ஊட்டசத்துக் குறைபாட்டைத் தவிர்க்கலாம் என்றும், ஆரோக்கியமான சமுதாயத்தை உருவாக்குவதில் ஒவ்வொருவருக்கும் பங்கு உள்ளது என்றும் குழந்தை திருமணம் தடுத்தல், ஊட்டசத்தின் அவசியம், ஆரோக்கியமான உணவுப் பழக்கங்கள் மற்றும் சத்தான உணவுகளைத் தேர்ந்தெடுத்து உடல் நலத்தைப் பேணுதல் குறித்து பொது மக்களிடையே மாணவர்கள் விழிப்புணர்வு ஏற்படுத்த வேண்டுமென்றும் சிறப்புரையாற்றினார்கள்.இந்நிகழ்ச்சியில் பல்வேறு போட்டிகள் நடைபெற்றன. போட்டிகளில் வெற்றி பெற்ற மாணவ, மாணவிகளுக்கு தேனி மேலப்பேட்டை இந்து நாடார்கள் உறவின்முறையின் தலைவர் திரு.A.S.G.தர்மராஜன், உபதலைவர் திரு.A.S.ஜீவகன், பொதுச்செயலாளர் திரு.M.M.ஆனந்தவேல், பொருளாளர் திரு.B.ராமச்சந்திரன் ஆகியோர் கலந்து கொண்டு பரிசுகளை வழங்கி சிறப்பித்தனர்.இந்நிகழ்ச்சியில் கல்லூரியின் துணைமுதல்வர் முனைவர் M.சத்யா, கல்லூரியின் நாட்டுநலப்பணித்திட்ட ஒருங்கிணைப்பாளர்கள், திரு. R.பிரதீப்குமார், முனைவர்.B.நாகராஜன் மற்றும் பேராசிரியர்கள் கலந்து கொண்டனர். கல்லூரியின் முதலாமாண்டு துறையின் மாணவி ஜவஹர் சுபாணா அவர்கள் நன்றியுரை கூறினார்