இராமநாதபுரம் மாவட்டம், முத்துப்பேட்டை கௌசானல் கலை மற்றும் அறிவியல் கல்லூரி நாட்டு நலப்பணித் திட்டத்தின் சார்பில் “ஸ்வச்சதா ஹி சேவா – கடலோரத் தூய்மை விழிப்புணர்வு நிகழ்வு 08.10.2026 வியாழக்கிழமை இன்று காலை 11.00 மணியளவில் களிமண்குண்டு கிராமத்தில் நடைபெற்றது. இந்நிகழ்வானது கல்லூரி செயலர் அருட் சகோதரர் முனைவர் லா. சூசைநாதன் மற்றும் ஊர் பெரியோர்கள் முன்னிலை வகித்து தொடங்கி வைத்தார்கள். மேலும் கல்லூரி முதல்வர் அருட் சகோதரர் முனைவர் T. அருள் ராஜா அவர்களின் வழிகாட்டுதலுடன் சிறப்பாக நடைபெற்றது. இந்நிகழ்ச்சியின் முக்கிய நோக்கம், கடலோரப் பகுதிகளின் தூய்மை மற்றும் சுற்றுச்சூழல் பாதுகாப்பு குறித்த விழிப்புணர்வை மாணவர்கள் மற்றும் பொதுமக்களிடையே ஏற்படுத்துவதாகும். கடற்கரைப் பகுதிகளில் குப்பைகளை அகற்றுதல், பிளாஸ்டிக் பயன்பாட்டைக் குறைத்தல், கடல் மற்றும் கடல்வாழ் உயிரினங்களைப் பாதுகாத்தல், சுற்றுச்சூழலைத் தூய்மையாகப் பராமரித்தல் போன்றவற்றின் முக்கியத்துவம் குறித்து விழிப்புணர்வு ஏற்படுத்தப்பட்டது. நாட்டு நலப்பணித் திட்ட மாணவர்கள் ஆர்வத்துடன் கலந்து கொண்டு, கடலோரத் தூய்மை தொடர்பான விழிப்புணர்வு நடவடிக்கைகளில் ஈடுபட்டனர். இதன் மூலம் தூய்மையான மற்றும் ஆரோக்கியமான கடலோரச் சூழலை உருவாக்குவதன் அவசியம் வலியுறுத்தப்பட்டது. மேலும், “தூய்மையான கடற்கரை – பசுமையான எதிர்காலம்” என்ற கருத்தை மையமாகக் கொண்டு, இயற்கையைப் பாதுகாப்பது ஒவ்வொருவரின் பொறுப்பு என்பதையும், பொது இடங்களைத் தூய்மையாகப் பராமரிக்க வேண்டும் என்பதையும் மாணவர்களுக்கு எடுத்துரைக்கப்பட்டது. இந்நிகழ்வு நாட்டு நலப்பணித் திட்ட அலுவலர்களால் சிறப்பாக ஏற்பாடு செய்யப்பட்டது. மேலும் நாட்டு நலப்பணித் திட்ட மாணவர்களின் ஆர்வமிக்க பங்களிப்பால் இந்நிகழ்ச்சி சிறப்பாகவும் பயனுள்ளதாகவும் அமைந்திருந்தது