இராமநாதபுரம், வேலுமனோகரன் கலை மற்றும் அறிவியல் மகளிர் கல்லூரியின் வணிகவியல் மற்றும் கணினிப் பயன்பாட்டியல் துறை சார்பில், “வணிகம், மேலாண்மை மற்றும் நிதித் தொழில்நுட்பத்தில் செயற்கை நுண்ணறிவு மற்றும் டிஜிட்டல் மாற்றம்” என்ற தலைப்பிலான தேசியக் கருத்தரங்கம்  கல்லூரி வளாகத்தில்  நடைபெற்றது. 

நிகழ்ச்சியில் பல்வேறு பகுதிகளிலிருந்து வருகை தந்த கல்வி மற்றும் துறைசார் வல்லுநர்கள் சிறப்புரையாற்றினர்:

டாக்டர் கே. பிரதாப்சந்திரன் (உதவிப் பேராசிரியர், மதனப்பள்ளி தொழில்நுட்பம் மற்றும் அறிவியல் நிறுவனம், ஆந்திரப் பிரதேசம்) , “செயற்கை நுண்ணறிவுக்கு அப்பால்: அடுத்த தலைமுறை அறிவார்ந்த டிஜிட்டல் உலகை உருவாக்குதல்” என்ற தலைப்பில் சிறப்புரையாற்றினார்.டாக்டர் ஆர். ராம்கி (தேர்வுநிலை உதவிப் பேராசிரியர், இந்துஸ்தான் தொழில்நுட்பம் மற்றும் அறிவியல் நிறுவனம், சென்னை) , “செயற்கை நுண்ணறிவும் வணிகமும்: எதிர்கால அறிவார்ந்த வணிகம் மற்றும் நிதித் தொழில்நுட்பம்” என்ற தலைப்பில் மாணவர்களிடையே கருத்துக்களைப் பகிர்ந்து கொண்டார்.கல்லூரித் தலைவர் மனோகரன்  தலைமையேற்க, துணைத் தலைவர் பார்த்தசாரதி, செயலர்  சகுந்தலா பார்த்தசாரதி மற்றும் முதல்வர் டாக்டர் ரஜனி ஆகியோர் முன்னிலை வகித்தனர். இந்நிகழ்வில் சிறந்த ஆய்வுக் கட்டுரைகளைச் சமர்ப்பித்த மாணவிகள் மற்றும் ஆராய்ச்சியாளர்களுக்குப் பரிசுகள் மற்றும் சான்றிதழ்கள் வழங்கி கவுரவிக்கப்பட்டனர்.வணிகவியல் மற்றும் கணினிப் பயன்பாட்டியல் துறைத் தலைவர் டாக்டர் எஸ். ஆர். தீபிகாவின் சிறப்பான ஒருங்கிணைப்பில், கல்லூரியின் பேராசிரியர்களும், மாணவிகளும் இணைந்து  நடத்தி முடித்தனர்