புதுச்சேரி தட்டாஞ்சாவடி சட்டமன்றத் தொகுதி இடைத்தேர்தலில் வெற்றி பெற்ற அசோக் ஆனந்தன், 16வது புதுச்சேரி சட்டப்பேரவையின் உறுப்பினராகப் பதவியேற்றார். புதுச்சேரி சட்டப்பேரவையில் உள்ள சட்டப்பேரவைத் தலைவர் அறையில் நடைபெற்ற நிகழ்ச்சியில், சட்டப்பேரவைத் தலைவர் அ. அன்பழகன் அவருக்குப் பதவிப் பிரமாணம் செய்து வைத்தார்.இதனைத் தொடர்ந்து, சட்டமன்ற உறுப்பினராக உறுதிமொழி ஏற்றுக்கொண்ட அசோக் ஆனந்தனுக்கு, முதலமைச்சர் ந. ரங்கசாமி சால்வை அணிவித்து, பூங்கொத்து வழங்கி வாழ்த்துத் தெரிவித்தார்.இந்நிகழ்ச்சியில் ஆதிதிராவிடர் நலம் மற்றும் பழங்குடியினர் நலத்துறை அமைச்சர் பெ. ராஜவேலு, குடிமைப் பொருள் வழங்கல் மற்றும் நுகர்வோர் விவகாரங்கள் துறை அமைச்சர் வி.பி. சிவக்கொழுந்து, வேளாண்துறை அமைச்சர் ஜி.என்.எஸ். ராஜசேகரன், அரசு கொறடா வி.ஆறுமுகம் (எ) ஏ.கே.டி. மற்றும் சட்டமன்ற உறுப்பினர்கள் அ. ஜான்குமார், வையாபுரி மணிகண்டன், ஏ.கே. சாய் ஜெ.சரவணன்குமார், அழகு (எ) அழகானந்தம், கே.நாராயணசாமி (எ) நித்தியானந்தம், பி. ரவிக்குமார், சி. ஐயப்பன் (எ) முத்தையப்பன், ஜோஸ் சார்லஸ் மார்ட்டின், இ.மோகன்தாஸ், புதுச்சேரி சட்டப்பேரவைச் செயலர் ஜே.தயாளன் உள்ளிட்டோர் பங்கேற்றனர்