நள்ளிரவில் சேலம் மாநகர பகுதிகளில் அமைச்சர் விஜய்தமிழன் பார்த்திபன் ஆய்வு

28 Sep 2026
03:35 PM

சேலம் மாநகரில் உள்ள 4 மண்டலங்களிலும் இருள்சூழ்ந்த பகுதிகளில் ரூ.77.05 லட்சத்தில் 883 புதிய தெருவிளக்குகள் பொருத்தப்படும் என்று தமிழக போக்குவரத்து துறை அமைச்சர் விஜய்தமிழன் பார்த்திபன் தெரிவித்துள்ளார்.

சேலம் மாநகராட்சி அம்மாப்பேட்டை மண்டலத்திற்கு உட்பட்ட பகுதிகளில் தமிழக போக்குவரத்து துறை அமைச்சரும், சேலம் மாவட்ட பொறுப்பு அமைச்சருமான விஜய்தமிழன்பார்த்திபன், நேற்று நள்ளிரவு திடீர் ஆய்வு செய்தார். அப்போது ஒரு சில பகுதிகளில் தெருவிளக்குகள் வெளிச்சம் குறைவான நிலையில் எரிந்து கொண்டிருந்தது. இதேபோல் ஒரு சில இடங்களில் தெருவிளக்குகள் சரியாக எரியாமல் உள்ளது. அதை சரிசெய்ய வேண்டும் என்றும் பொதுமக்கள் தெரிவித்தனர்.

பொது மக்கள் அளித்த புகாரை தொடர்ந்து சேலம் மாநகராட்சி ஆணையாளரை தொடர்பு கொண்ட அமைச்சர் விஜய் தமிழன் பார்த்திபன், சேலம் மாநகரில் இருள்சூழந்த பகுதிகளே இல்லாத வகையில் தெருவிளக்குகளை பொருத்த வேண்டும். வெளிச்சம் குறைவாக உள்ள பகுதிகளில் அதிக வௌிச்சத்துடன் கூடிய புதிய விளக்குகளை பொருத்தவேண்டும். பொது மக்கள் சிரமம் இல்லாத வகையில் நடந்து செல்வதற்கு உரிய நடவடிக்கை எடுக்கவேண்டும் என்று கேட்டுக்கொண்டார். இதற்குரிய நடவடிக்கை எடுப்பதாக அதிகாரிகள் உறுதி அளித்தனர்.

இது குறித்து தமிழக போக்குவரத்து துறை அமைச்சர் திரு. விஜய் தமிழன்பார்த்திபன் கூறியதாவது:

சேலம் மாநகராட்சியின் 60வார்டுகளிலும் இருள் சூழ்ந்த பகுதிகள் போதிய தெருவிளக்கு இல்லாத பகுதிகள் கண்டறியப்பட்டு புதிதாக தெரு விளக்குகள் பொருத்தப்படும். இதற்காக பொதுநிதியின் கீழ் ரூ.77.05லட்சத்தில் மண்டலம் வாரியாக பணிகள் மேற்கொள்ளப்படும்.

அம்மாப்பேட்டை மண்டலத்தில் 176, சூரமங்கலம் மண்டலத்தில் 244, அஸ்தம்பட்டி மண்டலத்தில் 221, கொண்டலாம்பட்டி மண்டலத்தில் 242, என்ற எண்ணிக்கையில் மொத்தம் 883 தெருவிளக்குகள் பொருத்தப்படும். இதற்கான பணி ஆணைகள் வழங்கப்பட்டுள்ளது. இந்த பணிகளை 15நாட்களுக்குள் முடிக்க வேண்டும் என்று ஒப்பந்தாரருக்கு அறிவுறுத்தப்பட்டுள்ளதாக போக்குவரத்து துறை அமைச்சர் விஜய்தமிழன் பார்த்திபன் தெரிவித்தார்.

நள்ளிரவில் சேலம் மாநகர பகுதிகளில் அமைச்சர் விஜய்தமிழன் பார்த்திபன் ஆய்வு

தொடர்புடைய செய்திகள்

செய்திகள்

விளையாட்டு

சினிமா

அரசியல்

தொடர்பு கொள்ள

+91 9444855211

dinamailnews@gmail.com

www.dinamail.com

நள்ளிரவில் சேலம் மாநகர பகுதிகளில் அமைச்சர் விஜய்தமிழன் பார்த்திபன் ஆய்வு

தற்போதைய செய்திகள்

முக்கிய செய்திகள்

தொடர்புடைய செய்திகள்