ஸ்போர்ட்ஸ் அத்தாரிட்டி ஆப் இந்தியா (SAI), கேலோ இந்தியா, இந்தியன் ரக்பி புட்பால் யூனியன் (IRFU), இந்திய ஒலிம்பிக் சங்கம் (IOA), புதுச்சேரி ஒலிம்பிக் சங்கம் ஆகியவற்றின் ஆதரவுடன், புதுச்சேரி அமெச்சூர் ரக்பி கால்பந்து சங்கம் (PARFA) சார்பில் அஸ்மிதா கேலோ இந்தியா ரக்பி லீக் 2026 போட்டிகள் வில்லியனூர் ஆச்சார்யா காலேஜ் ஆப் இன்ஜினியரிங் டெக்னாலஜி வளாகத்தில் நடைபெற்றன. புதுச்சேரியின் பல்வேறு பகுதிகளைச் சேர்ந்த பள்ளி மற்றும் கல்லூரி வீராங்கனைகள் போட்டிகளில் பங்கேற்றனர். U-15, ஜூனியர் மற்றும் சீனியர் என மூன்று பிரிவுகளில் போட்டிகள் நடைபெற்றன.

நிகழ்ச்சியில் முன்னாள் அமைச்சரும், புதுச்சேரி ஒலிம்பிக் சங்கத் தலைவருமான தேனி சி.ஜெயக்குமார் சிறப்பு விருந்தினராக கலந்து கொண்டு போட்டிகளை தொடங்கி வைத்து வீராங்கனைகளை வாழ்த்தினார். புதுச்சேரி ஒலிம்பிக் சங்கச் செயலாளர் கே.வளவன் முக்கிய விருந்தினராக கலந்து கொண்டு வெற்றி பெற்ற வீராங்கனைகளுக்கு பரிசு கோப்பைகளை வழங்கி பாராட்டினார். 

நிகழ்ச்சியில் PARFA தலைவர் கிருஷ்ணமூர்த்தி, ரக்பி சங்கச் செயலாளர் பாலஜனகராமன், இணைச் செயலாளர்கள், பொருளாளர் தேவந்திரன், மூத்த துணைத் தலைவர் குமரேசன், மணிகண்டன், கம்யூனிட்டி கல்லூரி பேராசிரியை ஜெகதீஸ்வரி, புதுச்சேரி அரசு உடற்கல்வி விரிவுரையாளர் சிவக்குமார் உள்ளிட்டோர் கலந்து கொண்டு வீராங்கனைகளை வாழ்த்தினர்.

போட்டிகளுக்கான ஏற்பாடுகளை PARFA சார்பில் விஷ்ணுபிரசாந்த், கிருஷ்ணராஜ், ஜெயமாலினி, சஞ்சய், அரவிந்த் மற்றும் ஆச்சார்யா காலேஜ் உடற்கல்வி இயக்குநர் சச்சின் ஆகியோர் ஒருங்கிணைத்தனர். நன்றியுரையை PARFA சார்பில் தைனேசன் வழங்கினார். புதுச்சேரியில் பள்ளி மற்றும் கல்லூரி மாணவிகளிடையே பெண்களுக்கான ரக்பி விளையாட்டை ஊக்குவிக்கும் வகையில் இப்போட்டி அமைந்தது.