நாகப்பட்டினம் மாவட்டத்தில் பொதுமக்களின் பாதுகாப்பை வலுப்படுத்தும் வகையிலும், குற்றத் தடுப்பு மற்றும் நடவடிக்கைகளை நவீன தொழில்நுட்பத்தின் விசாரணை மூலம் மேம்படுத்தும் வகையிலும், 300 CCTV கேமராக்களை ஒருங்கிணைத்து கண்காணிக்கும் கட்டுப்பாட்டு மையம் இன்று 08.10.2026 திறந்து வைக்கப்பட்டது. இந்த மையத்தை திருச்சி மத்திய மண்டல காவல்துறை தலைவர் திரு. வே. பாலகிருஷ்ணன், இ.கா.ப., அவர்கள் திறந்து வைத்து, அதன் செயல்பாடுகளை பார்வையிட்டார்.இந்த ஒருங்கிணைந்த மையத்தின் மூலம் முக்கிய சாலைகள், சந்திப்புகள், மக்கள் கூடும் பகுதிகள் உள்ளிட்ட இடங்களில் பொருத்தப்பட்டுள்ள 300 CCTV கேமராக்களின் காட்சிகளை ஒரே இடத்திலிருந்து கண்காணிக்க முடியும்.  சந்தேகத்திற்கிடமான நபர்கள் மற்றும் வாகனங்களைக் கண்காணித்தல், சாலைப் பாதுகாப்பு மற்றும் அவசர காலங்களில் விரைவான காவல்துறை நடவடிக்கை ஆகியவற்றிற்கு இம்மையம் பெரிதும் உதவும். மேலும், CCTV பதிவுகள் மூலம் குற்றச் சம்பவங்களுக்கான ஆதாரங்களை சேகரித்து, குற்றவாளிகளை விரைந்து கண்டறியவும் இந்த நவீன கண்காணிப்பு அமைப்பு உதவியாக இருக்கும் என்றார். "தொழில்நுட்பத்தின் துணையுடன் பாதுகாப்பான நாகப்பட்டினம்" என்ற நோக்கில், பொதுமக்களின் பாதுகாப்பிற்காக நாகப்பட்டினம் மாவட்ட காவல்துறை தொடர்ந்து நவீன தொழில்நுட்பங்களை பயன்படுத்தி வருகிறது என்பது குறிப்பிடத்தக்கது.