நெல்லை மாவட்டம், வடக்கன்குளம்

​எஸ்.ஏ.வி. சகாயத்தாய் கலை அறிவியல்  கல்லூரியின் பட்டமளிப்பு விழா இயக்குனர் ம.திவாகரன் முன்னிலையில் நடைபெற்றது. விழாவில் சிறப்பு விருந்தினராகப் பங்கேற்ற (ISRO) இஸ்ரோவின் முன்னாள் தலைவர் சிவன் கலந்து கொண்டு பட்டங்களை  வழங்கினார்.  நிகழ்ச்சியின் முன்னதாக  இஸ்ரேல் தலைவர் சிவன் அவர்களுக்கு எஸ்.ஏ.வி கல்வி  குழுமங்களின் தலைவர் ம.கிரகாம்பெல் சால்வை அணிவித்து வரவேற்றார்.. அதனைத் தொடர்ந்து 

ஆங்கிலம், கம்ப்யூட்டர் சயின்ஸ் , கணிதம் , இயற்பியல் , வணிகவியல் , இளங்கலை , மற்றும் முதுகலை பாடப் பிரிவுகளில் பயின்ற

நூற்றுக்கும் மேற்பட்ட மாணவிகளுக்கு பட்டங்களை வழங்கியதோடு பல்கலைக்கழக அளவிலான ரேங்க் பெற்றவர்களுக்கு கேடயம் வழங்கி பாராட்டி பட்டமளிப்பு விழா பேருரையாற்றினார். பின்னர் அவர் நிருபர்களுக்கு அளித்த பேட்டியில்;  எதிர்காலத்தில் பூமியின் வளங்கள் குறைந்து தேவைகள் அதிகரிக்கும் சூழலில் நிலவு மற்றும் செவ்வாய் போன்ற பிற கோள்களில் உள்ள வளங்களைப் பயன்படுத்துவது அவசியமாகிறது  என்றும் அதற்கான மாற்று வழிகள் குறித்து தீவிர ஆராய்ச்சிகள் முன்னெடுக்கப்பட்டு வருவதாகவும் தெரிவித்தார். மேலும்  தொழில்நுட்பம் அசுர வேகத்தில் வளர்ந்தாலும் கணிதம், இயற்பியல், வேதியியல் மற்றும் பொறியியல் போன்ற அடிப்படைக் கல்வியின் முக்கியத்துவம் என்றும் குறையாது எனக் குறிப்பிட்ட அவர், தற்போதைய கல்வி முறையில் புதுமைகளை புகுத்தி மதிப்புகள் சார்ந்த கல்வியை மாணவர்களுக்கு வழங்க வேண்டும் என வலியுறுத்தினார். 

உலகளவில் விண்வெளித் தேவைகள் பலமடங்கு அதிகரித்து வருவதால் இஸ்ரோ போன்ற அரசு அமைப்புகள் மட்டுமே அனைத்தையும் செய்துவிட முடியாது என்றும் விண்வெளித் துறையைத் தனியார் மற்றும் கல்வி நிறுவனங்களுக்குத் திறந்து விடுவது இந்தியாவின் திறனை முழுமையாக வெளிக்கொண்டு வரும் என்றும் விளக்கம் அளித்தார்.

விண்வெளித் துறை என்பது ஏரோஸ்பேஸ் படித்தவர்களுக்கு மட்டுமேயானது என்ற தவறான பார்வை மாணவர்களிடை நிலவுவதாகவும் மெக்கானிக்கல், எலக்ட்ரானிக்ஸ், கம்ப்யூட்டர் சயின்ஸ் மற்றும் கலை, அறிவியல் பயின்ற அனைத்து மாணவர்களுக்கும் இதில் சமமான வேலைவாய்ப்புகள் உள்ளதாகவும் தெரிவித்தார்.  

இந்திய இளைஞர்களின் திறமையைச் சரியாகப் பயன்படுத்தினால் உலக விண்வெளித் துறையில் இந்தியா தொடர்ந்து முதன்மை இடத்தைப் பிடிக்கும் என்றும் நம்பிக்கை தெரிவித்தார்.  

இநநிகழ்ச்சியில் எஸ்.ஏ.வி

சகாயத்தாய் கலைக்கல்லூரியின் இயக்குனர் செல்வி திவகாரன், கல்லூரி முதல்வர் வேல்விழி,  சிபிஎஸ்இ பள்ளி முதல்வர் பால பெஞ்சமின், நிர்வாக அதிகாரி பிந்துஜா, மெட்ரிக் மேல்நிலை பள்ளி முதல்வர் சுடலை யாண்டி , கல்லூரி பேராசிரியர்கள் மற்றும் மாணவர்கள்,

பெற்றோர்கள் கலந்து கொண்டனர்.