விநாயகர் சிலை வைப்பதில் முன்விரோதம்: திண்டுக்கல் அருகே முன்னாள் ஊராட்சி துணைத்தலைவர் வெட்டிப் படுகொலை

16 Sep 2026
11:45 AM

திண்டுக்கல் மாவட்டம், குஜிலியம்பாறை அருகே விநாயகர் சிலை வைப்பது தொடர்பான முன்விரோதத்தில், முன்னாள் ஊராட்சி மன்ற துணைத் தலைவர் நடுரோட்டில் வெட்டிப் படுகொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

திண்டுக்கல் மாவட்டம் குஜிலியம்பாறை அடுத்த சின்னலுப்பை ஊராட்சிக்கு உட்பட்ட பொம்மாநாயக்கன்பட்டியைச் சேர்ந்தவர் பொம்மன் (55). இவர் அப்பகுதியின் முன்னாள் ஊராட்சி மன்ற துணைத் தலைவராக பதவி வகித்தவர். பொம்மாநாயக்கன்பட்டி கிராமத்தில் கடந்த 10 ஆண்டுகளுக்கும் மேலாக இரு தரப்பினரிடையே சுவாமி கும்பிடுவது மற்றும் கோவில் திருவிழா தொடர்பாக பிரச்சினை நிலவி வருகிறது. இது தொடர்பான வழக்கு நீதிமன்றத்தில் தற்போது நிலுவையில் உள்ளது.

இந்த நிலையில், விநாயகர் சதுர்த்தியை முன்னிட்டு அதே ஊரைச் சேர்ந்த மற்றொரு தரப்பினர் விநாயகர் சிலை வைத்து வழிபட ஏற்பாடுகள் செய்துள்ளனர். இதற்கு பொம்மன் கடும் எதிர்ப்புத் தெரிவித்ததாகக் கூறப்படுகிறது. இதனால் இரு தரப்பினருக்கும் இடையே மோதல் போக்கு நிலவி வந்துள்ளது.

இந்நிலையில், பொம்மன் தனது இருசக்கர வாகனத்தில் வெள்ளியணை, மூக்கணாங்குறிச்சி நோக்கிச் சென்று கொண்டிருந்தார். அப்போது அவரை வழியில் மறித்த பொம்மாநாயக்கன்பட்டியைச் சேர்ந்த எதிர் தரப்பு கும்பல், அவரிடம் கடும் வாக்குவாதத்தில் ஈடுபட்டது. வாக்குவாதம் முற்றிய நிலையில், ஆத்திரமடைந்த அந்த கும்பல் தாங்கள் மறைத்து வைத்திருந்த அரிவாளால் பொம்மனை சரமாரியாக வெட்டியது.

இதில் தலை மற்றும் உடலில் பலத்த காயமடைந்த பொம்மன், சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார். அவரை வெட்டிச் சாய்த்த கும்பல் அங்கிருந்து தப்பி ஓடிவிட்டது. இதுகுறித்து தகவலறிந்து சம்பவ இடத்திற்கு விரைந்து வந்த குஜிலியம்பாறை போலீசார், பொம்மனின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இந்த கொலை சம்பவம் குறித்து வழக்குப்பதிவு செய்து, தலைமறைவான கொலையாளிகளை வலைவீசி தீவிரமாக தேடி வருகின்றனர். இச்சம்பவம் அப்பகுதியில் பெரும் பதற்றத்தை ஏற்படுத்தியுள்ளதால் போலீசார் குவிக்கப்பட்டுள்ளனர்.

விநாயகர் சிலை வைப்பதில் முன்விரோதம்: திண்டுக்கல் அருகே முன்னாள் ஊராட்சி துணைத்தலைவர் வெட்டிப் படுகொலை

தொடர்புடைய செய்திகள்

செய்திகள்

விளையாட்டு

சினிமா

அரசியல்

தொடர்பு கொள்ள

+91 9444855211

dinamailnews@gmail.com

www.dinamail.com

விநாயகர் சிலை வைப்பதில் முன்விரோதம்: திண்டுக்கல் அருகே முன்னாள் ஊராட்சி துணைத்தலைவர் வெட்டிப் படுகொலை

தற்போதைய செய்திகள்

முக்கிய செய்திகள்

தொடர்புடைய செய்திகள்