சுற்றுலாவிற்கு பெயர் போன நீலகிரி மாவட்டத்தில் புகழ் பெற்ற பல்வேறு பூங்காக்கள் அமைந்துள்ளது. சமீப தினங்களில் சுற்றுலா பயணிகளின் மிக முக்கிய தேர்வுகளில் ஒன்றாக கர்நாடகா தோட்டக்கலை பூங்காவும் முக்கியத்துவம் பெற்றுள்ளது. அதற்கேற்றார் போல உள்கட்ட அமைப்புகள், மலர் அலங்காரங்கள், தூய்மையான பராமரிப்பு, இயற்கையில் கொஞ்சம் சூழல், மற்றும் பிரத்தியேகமாக சுற்றுலா பயணிகளுக்கான தொங்கு பாலம் போன்றவை அதிக அளவில் சுற்றுலாப் பயணிகளை கவர்ந்து வருகிறதுசமீப காலங்களில் சுற்றுலா பயணிகள் வருகை அதிகரித்து வருவதால் நீலகிரியில் இரண்டாவது சீசன் துவங்கி உள்ள நிலையில் சுற்றுலா பயணிகளை கவரும் விதமாக மலர் அலங்கார செடிகளை கொண்டு அருவி ஓடுவதை போல மலர்களால் வடிவமைப்பு உருவாக்கப்பட்டுள்ளது. கர்நாடக அரசு தோட்டக்கலை பூங்காவில் ஐரிஸ் என்ற தாவர வகையை கொண்டு 2500க்கும் மேற்பட்ட எண்ணிக்கையில் அடுக்கி வைத்து சிவப்பு நிறத்தில் அருவி மலையில் இருந்து வழிந்து ஓடுவதை போல வடிவமைத்துள்ளனர் பூங்கா நிர்வாகத்தினர்.இந்த அலங்கார வடிவமைப்புகளின் முன்னாள் நின்று சுற்றுலா பயணிகள் ஆர்வத்துடன் புகைப்படம் எடுத்தும் செல்ஃபி வீடியோக்கள் எடுத்தும் மகிழ்கின்றனர். இதனால் சுற்றுலா பயணிகள் மத்தியில் இந்த இடம் அதிக அளவில் பிரபலம் அடைந்தும் வருகிறது