இறந்த போக்குவரத்துக் கழக பணியாளர்களின் குடும்பங்களுக்கு நிதியுதவி

08 Oct 2026
10:58 AM

தமிழ்நாடு அரசு போக்குவரத்துக் கழகம் விழுப்புரம் கோட்டத்தில் பணியின்போது மற்றும் பணியல்லாத நேரங்களில் உயிரிழந்த பணியாளர்களின் குடும்பங்களுக்கு, மேலாண் இயக்குநர் ஸ்ரீதரன் உத்தரவின் பேரில் நிதியுதவி வழங்கும் நிகழ்ச்சி நேற்று 07.10.2026 நடைபெற்றது.

இதையொட்டி, உயிரிழந்த பணியாளர்களின் ஆன்மா சாந்தியடைய பொது மேலாளர் தொழில்நுட்பம் ரவீந்திரன் தலைமையில் 2 நிமிடங்கள் மவுன அஞ்சலி செலுத்தப்பட்டது.

பின்னர், TEDA FUND நிதியிலிருந்து விழுப்புரம் மண்டலத்தைச் சேர்ந்த பணியல்லாத நேரத்தில் உயிரிழந்த 2 பணியாளர்களின் குடும்பங்களுக்கு தலா ரூ.5 லட்சம் வீதம் மொத்தம் ரூ.10 லட்சத்திற்கான காசோலைகள் வழங்கப்பட்டன.

இதுகுறித்து பொது மேலாளர் ரவீந்திரன் கூறுகையில், போக்குவரத்துக் கழகத்தில் பணியாற்றும் 16,096 பணியாளர் களிடமிருந்து, தொழிற்சங்கங்களின் ஒத்துழைப்புடன் பிடித்தம் செய்யப்படும் TEDA FUND நிதியிலிருந்து, பணியின்போது உயிரிழந்தவர்களின் குடும்பங்களுக்கு ரூ.10 லட்சமும், பணியல்லாத நேரத்தில் உயிரிழந்தவர்களின் குடும்பங்களுக்கு ரூ.5 லட்சமும் வழங்கப்பட்டு வருகிறது என்றார்.

இதுவரை பணியின்போது உயிரிழந்த 14 பணியாளர்களின் குடும்பங்களுக்கு ரூ.1.40 கோடியும், பணியல்லாத நேரத்தில் உயிரிழந்த 236 பணியாளர்களின் குடும்பங்களுக்கு ரூ.11.80 கோடியும் வழங்கப்பட்டுள்ளதாகவும் அவர் தெரிவித்தார்.

நிகழ்ச்சியில் துணை இயக்குநர் செந்தில், உதவி மேலாளர் பிரபு, தலைமை தணிக்கை அலுவலர்

துர்கைச்சாமி, துணை மேலாளர்

அறிவண்ணல், தொழிற்சங்க பிரதிநிதிகள், அலுவலர்கள் மற்றும் பணியாளர்கள் உள்ளிட்ட பலர் கலந்து கொண்டனர்.

இறந்த போக்குவரத்துக் கழக பணியாளர்களின் குடும்பங்களுக்கு நிதியுதவி

தொடர்புடைய செய்திகள்

செய்திகள்

விளையாட்டு

சினிமா

அரசியல்

தொடர்பு கொள்ள

+91 9444855211

dinamailnews@gmail.com

www.dinamail.com

இறந்த போக்குவரத்துக் கழக பணியாளர்களின் குடும்பங்களுக்கு நிதியுதவி

தற்போதைய செய்திகள்

முக்கிய செய்திகள்

தொடர்புடைய செய்திகள்