வலங்கைமான் அரசு மேல்நிலைப் பள்ளியில் நேற்று வலங்கைமான் ரோட்டரி சங்கம், பாண்டிச்சேரி அரவிந்த் கண் மருத்துவமனை, திருவாரூர் மாவட்ட பார்வையிழப்பு தடுப்பு சங்கம் இணைந்து நடத்திய இலவச கண் சிகிச்சை முகாம் தலைவர் குமரன் தலைமையில் நடைபெற்றது. செயலாளர் யாகூப் சலீம், பொருளாளர் சண்முகவடிவேல், திட்ட துணை தலைவர் பஞ்சமூர்த்தி, திட்ட ஒருங்கிணைப்பாளர் ராஜராஜசோழன் ஆகியோர் முன்னிலை வகித்தனர். முகாமில் கண்புரை, கண் நீர் அழுத்த நோய், சர்க்கரை நோய் உள்ளவர்களுக்கான கண் நோய்கள், கிட்ட பார்வை, தூரப்பார்வை, வெள்ளெழுத்து போன்றவற்றுக்கு பரிசோதனைகள் செய்யப்பட்டு ஆலோசனைகள் வழங்கப்பட்டது. மேலும் கண்புரை நோயாளிகள் புதுச்சேரி அரவிந்த் கண் மருத்துவமனைக்கு அழைத்துச் செல்லப்பட்டனர். முகாமில் கலந்து கொண்டவர்களுக்கு வலங்கைமான் சக்தி இன்ஸ்டிடியூட் மாணவர்கள் உதவி செய்தனர்.