இராமநாதபுரம் மாவட்டம், முத்துப்பேட்டை,  கௌசானல் கலை மற்றும் அறிவியல் கல்லூரி நாட்டு நலப்பணித் திட்டத்தின் (NSS) சார்பில், இந்தியாவின் ஏவுகணை நாயகனும் முன்னாள் குடியரசுத் தலைவருமான டாக்டர் ஏ.பி.ஜே. அப்துல் கலாம் அவர்களின் பிறந்தநாள் விழா 15 அக்டோபர் 2026 அன்று காலை  கல்லூரி கருத்தரங்கக் கூடத்தில் நடைபெற்றது.இந்நிகழ்ச்சியின் நோக்கம், டாக்டர் அப்துல் கலாம் அவர்களின் உழைப்பு, ஒழுக்கம், அறிவியல் சிந்தனை மற்றும் நாட்டுப்பற்று ஆகிய உயரிய கொள்கைகளை மாணவர்கள் பின்பற்ற ஊக்குவிப்பதாகும். அவரது வாழ்க்கை வரலாறு மற்றும் சாதனைகள் எடுத்துரைக்கப்பட்டு, மாணவர்கள் உயர்ந்த இலட்சியங்களைக் கொண்டிருக்கவும், தங்களுடைய திறமைகளை வளர்த்துக் கொள்ளவும், தங்களின் இலக்குகளை அடையத் தொடர்ந்து முயற்சி செய்யவும் ஊக்கமளிக்கப்பட்டது. இந்நிகழ்வில் தொடக்கமாககல்லூரியின் செயலர் அருட்சகோதரர் டாக்டர் L.சூசைநாதன் SHJ அவர்களும், கல்லூரி முதல்வர் அருட்சகோதரர் டாக்டர் T. அருள்ராஜா SHJ அவர்களும் பங்கேற்று இந்நிகழ்ச்சிக்குச் சிறப்புரை வழங்கி வாழ்த்தினர். மேலும் மாணவர்கள் டாக்டர் அப்துல் கலாம் அவர்களின் உயரிய கொள்கைகளைப் பின்பற்றி, கல்வியிலும் தனிப்பட்ட வாழ்க்கையிலும் சிறந்து விளங்க வேண்டும் என்று ஊக்கமளித்தனர். மேலும் கல்லூரியின் திட்ட ஒருங்கிணைப்பாளர் திருமதி K. சுஜாதா அவர்களும் பங்கேற்று சிறப்பு செய்தார்கள். இந்நிகழ்வில்கல்வி, புத்தாக்கச் சிந்தனை, தலைமைத்துவம் மற்றும் நாட்டின் வளர்ச்சியில் இளைஞர்களின் பங்களிப்பு ஆகியவற்றின் முக்கியத்துவம் இந்நிகழ்ச்சியில் வலியுறுத்தப்பட்டது. வளர்ச்சியடைந்த இந்தியாவை உருவாக்க வேண்டும் என்ற டாக்டர் கலாம் அவர்களின் கனவை நனவாக்கவும், சமூக நலப்பணிகளில் ஈடுபட்டு பொறுப்புள்ள குடிமக்களாகத் திகழவும் NSS தன்னார்வலர்கள் மற்றும் மாணவர்கள் ஊக்குவிக்கப்பட்டனர். இந்நிகழ்வில் கல்லூரி பேராசிரியர்கள் திரு. சரவண குமார் மற்றும் திருமதி நாகேஸ்வரி அவர்களும் மேலும் மாணவர்களும் கலந்து கொண்டு அவர்களுடைய கருத்துக்களை எடுத்துரைத்தார்கள். நிறைவில், டாக்டர் ஏ.பி.ஜே. அப்துல் கலாம் அவர்களின் இலட்சியங்களைப் பின்பற்றி, நாட்டின் முன்னேற்றத்திற்கும் சமூக நலனுக்கும் தங்களால் இயன்ற பங்களிப்பை வழங்க வேண்டும் என்ற உறுதியுடன் மாணவர்களும் NSS தன்னார்வலர்களும் நிகழ்ச்சியை நிறைவு செய்தனர்.இந்நிகழ்வினை நாட்டு நலப்பணித் திட்ட அலுவலர்கள் திரு.பவிதா ஆனந்த் மற்றும் திருமதி கவிதா அவர்களால் ஏற்பாடு செய்யப்பட்டது