காசிக்கு நிகரான கோவிலாக கருதப்படுவது ராமேஸ்வரம் ராமநாத சுவாமி திருக்கோவில், பல்வேறு சிறப்புகள் வாய்ந்த இந்த திருக்கோவிலில் ஆடி, தை மற்றும் புரட்டாசி மாதங்களில் வரக்கூடிய அமாவாசை காலங்களில் பல்லாயிரக்கணக்கானோர் வருகை தந்து வாழ்ந்து மறைந்த முன்னோர்களுக்கு திதி தர்ப்பணம் கொடுத்து வழிபாடு மேற்கொள்ளப்படுவது வழக்கம்.அந்த வகையில் ஆடி அமாவாசை மற்றும் தை அமாவாசையை விட புரட்டாசி மாதத்தில் வரக்கூடிய மகாளய அமாவாசை முன்னோர்களுக்கு மட்டுமல்லாத மறைந்த நண்பர்கள் குருமார்கள் மற்றும் வளர்ப்பு பிராணிகளுக்கும் திதி கொடுத்து பித்தூர் பூஜை செய்வதற்கு சிறப்பான நாளாக கருதப்படுவதால் ஏராளமானோர் இன்று மகாளய அமாவாசையை முன்னிட்டு ராமேஸ்வரத்தில் குவிந்துள்ளனர்.அதிகாலை இராமநாதசுவாமி கோவில் நடை திறக்கப்பட்டு சுவாமி அம்பாளுக்கு சிறப்பு அபிஷேகம் ஆராதனை நடைபெற்றது அதனை தொடர்ந்து ஸ்படிக லிங்க பூஜை நடைபெற்றது, இதில் ஆயிரக்கணக்கான பக்தர்கள் கலந்து கொண்டு சாமி தரிசனம் மேற்கொண்டனர்.அக்னி தீர்த்தக்கடலில் புனித நீராடி முன்னோர்களுக்கு தர்ப்பணம் கொடுத்து வருகின்றனர் புனித நீராடிய பக்தர்கள் முன்னோர்களுக்கு தர்ப்பணம் கொடுத்த பிறகு பித்தூர் கர்மா பூஜை செய்து வழிபாடு மேற்கொண்டனர் இராமநாதசுவாமி கோவிலில் 22 புனித தீர்த்தங்களில் நீராடிய பிறகு நீண்ட வரிசையில் காத்திருந்து ராமநாதசுவாமி மற்றும் பர்வத வர்த்தினி அம்பாளை தரிசனம் செய்தனர்.மேலும் ராமேஸ்வரத்தில் உள்ள பஸ் நிலையம் கோவில் நான்கு ரத வீதிகள் அக்னி தீர்த்த கடற்கரை உள்ளிட்ட பகுதிகளில் பக்தர்கள் கூட்டம் அலைமோதி காணப்பட்டது கூட்ட நெரிசலை கட்டுப்படுத்த  போலீசார் பாதுகாப்பு பணியில் ஈடுபட்டுள்ளனர்