மயிலாடுதுறை மாவட்டம், குத்தாலம் அருகே ராஜகோபாலபுரத்தில் ஓஎன்ஜிசி எண்ணெய்க் கிணற்றை மீண்டும் புதுப்பிக்கும் பணியைத் தடுத்து நிறுத்தி, கிணற்றை மூடக்கோரி கிராம மக்கள் மாவட்ட ஆட்சியர் ஹெச்.எஸ். ஸ்ரீகாந்திடம் திங்கள்கிழமை மனு அளித்தனர்.கடந்த 25 ஆண்டுகளாக நோய்த்தொற்று, காசநோய், புற்றுநோய் பாதிப்புகள், உயிரிழப்புகள் மற்றும் தோல் நோய்கள் ஏற்படுவதாகவும், நிலத்தடி நீர் பாதிப்புக்கு ஓஎன்ஜிசி எண்ணெய்க் கிணறே காரணம்,  என்ன கிணறு க்கு அருகே பள்ளிக்கூடம் மற்றும் குடியிருப்பு பகுதி நிறைந்த இடம் என்பதால் தினந்தோறும் அச்சமாக உள்ளது ஆகவே மாவட்ட ஆட்சியர் நேரில் வந்து ஆய்வு செய்தால் உண்மைத்தெரியவரும் என்றும் கிராம மக்கள் குற்றம்சாட்டினர்.எனவே, பொதுமக்களின் நலன் கருதி எண்ணெய்க் கிணற்றை நிரந்தரமாக மூட நடவடிக்கை எடுக்க வேண்டும் என வலியுறுத்தினர். மேலும், உரிய சான்றிதழ்கள் இன்றி சட்டவிரோதமாக எண்ணெய்க் கிணறு செயல்பட்டு வருவதாகவும் தெரிவித்தனர்.மனுவைப் பெற்றுக்கொண்ட மாவட்ட ஆட்சியர், இதுகுறித்து உரிய விசாரணை நடத்தி முடிவெடுக்கப்படும் எனத் தெரிவித்தார்.மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் பேராசிரியர் ஜெயராமன் உள்ளிட்ட கிராம மக்கள் பலர் மனு அளிக்கும்போது உடனிருந்தனர்.