தலைமை தேர்தல் ஆணையர் ஞானேஸ்குமார் பதவி விலக வலியுறுத்தி நாகை கலெக்டர் அலுவலகம் முன்பு காங்கிரஸ் கட்சியின் ஆர்ப்பாட்டம் நடத்தினர். ஆர்ப்பாட்டத்திற்கு முன்னால் எம்.பி. ராஜேந்திரன் தலைமை தாங்கினார். மாநில செயலாளர் நவ்ஷாத் , முன்னாள் இளைஞர் காங்கிரஸ் மாவட்ட தலைவர் போஸ், நகர தலைவர் உதயசந்திரன், மாவட்ட மகிளா காங்கிரஸ் நிர்வாகி புவனேஸ்வரி  ஆகியோர் முன்னிலை வகித்தனர். எஸ்ஐஆர் தொடர்பான குற்றச்சாட்டுகளை முன்வைத்து, தலைமை தேர்தல் ஆணையர் ஞானேஸ்குமார் பதவி விலக வலியுறுத்தி நாகை மாவட்ட காங்கிரஸ் கட்சி சார்பில் கலெக்டர் அலுவலகம் முன்பு கண்டன ஆர்ப்பாட்டம் நடைபெற்றது. அப்போது காங்கிரஸ் கட்சியினர் தலைமை தேர்தல் ஆணையருக்கு எதிராக கண்டன கோஷங்களை எழுப்பினர். தொடர்ந்து தலைமை தேர்தல் ஆணையரின் உருவ பொம்மையை எரிக்க முயன்றனர். இதனை போலீசார் தடுத்து நிறுத்த முயன்றதால், இருதரப்பினருக்கும் இடையே கடும் தள்ளுமுள்ளு ஏற்பட்டது. இதனால் நாகை–நாகூர் ரோட்டில் சிறிது நேரம் போக்குவரத்து பாதிக்கப்பட்டது. ஆர்ப்பாட்டத்தில் முன்னாள் மாவட்ட தலைவர் கனகராஜ், மூத்த கட்சியினர் ராஜேந்திரன் நாட்டார், ராமலிங்கம், ராஜசேகர், சுப்பிரமணியன், அண்ணாமலை உள்பட கீழ்வேளூர், வேதாரண்யம் பகுதியைச் சேர்ந்த வட்டார தலைவர்கள் பலர் கலந்து கொண்டனர்.