கோயம்புத்தூர் மளிகை வியாபாரிகள் சங்கம் 70ஆவது ஆண்டுமகாசபை கூட்டம் சங்கத் தலைவர் A.பிரபாகர் தலைமையில் நடைபெற்றது. துணைத் தலைவர் R.S. கணேசன், V.விக்னேஷ் புகழ் வேந்தன், செயலாளர் P.மருத ராஜன், இணைச் செயலாளர் K.அம்ரேஷ் முன்னிலை வகித்தனர். பொருளாளர் R.அன்புராஜ் 2025-2026

ஆண்டுக்கான வரவு செலவு கணக்குகளை தாக்கல் செய்தார்.

 

அத்தியாவசிய உணவுப் பொருட்களான அரிசி, பருப்பு, கோதுமை, சிறுதானியம் போன்றவற்றிற்கு 25 கிலோவுக்கு கீழ் வரி உள்ளது என்றும் 25 கிலோவுக்கு மேல் வரி விலக்கு உள்ளதை மாற்றி எவ்வளவு கிலோ பேக்கிங்குகளாக இருந்தாலும் வரி விலக்கு அளிக்க இம்மகாசபை GST கவுன்சிலையும், மத்திய அரசையும் கோருகிறது.

கோவை மாநகரின் முக்கிய பகுதியான ரங்கைய கவுடர் வீதி, ராஜ வீதி பெரியகடை வீதி, ஒப்பணக்கார வீதி ஆகிய வீதிகளில் மொத்தம் மற்றும் சில்லறை மளிகை வியாபார கடைகள்,பெரிய மற்றும் சிறிய ஜவுளிக்கடைகள் மற்றும் நகை கடைகள் ஷோரூம் உள்ளன மற்றும் இதர வியாபார கடைகளும் ஏராளமாக உள்ளன.இவற்றில்வேலைசெய்பவர்களும் பொருட்களை வாங்க வருபவர்கள் தினசரி பல ஆயிரக்கணக்கானோர் இப்பகுதிக்கு வந்து செல்கின்றனர். ஆனால் இப்பகுதிக்கு வருபவருக்கு தங்கள் வாகனங்களை நிறுத்த போதிய இடவசதி இல்லாத காரணத்தால் சாலைகளிலே நிறுத்துகின்றனர். இதனால் போக்குவரத்து நெரிசல் ஏற்படுகிறது எனவே கடைவீதி பகுதிகளில் புதிய வாகன நிறுத்துமிடங்களை உருவாக்கவும், தனியார் வாகன வாகன நிறுத்துமிடங்களை உருவாக்க ஊக்குவிக்கவும் கோவை மாநகராட்சியையும், காவல் துறையையும் இந்த மகாசபை கோருகிறது. உள்ளிட்ட பல்வேறு  தீர்மானங்கள் இயற்றப்பட்டன..

துணைப் பொதுச் செயலாளர் K.சபிக் நன்றி கூறி கூட்டம் இனிதே நிறைவு பெற்றது.