தலைமைத் தேர்தல் ஆணையர் ஞானேஷ் குமார் பதவி வில​க வலியுறுத்தி கரப்​பான்​பூச்சி ஜனதா கட்சியின் சார்பில் டெல்​லி ஜந்தர் மந்தரில் இன்று  (அக்டோபர் 10) போராட்​டம் தொடங்கப்பட உள்​ளது. நீட் வினாத்​தாள் கசிவை கண்​டித்து கரப்​பான்​பூச்சி ஜனதா கட்சி சார்​பில் கடந்த ஜூன், ஜூலை​யில் டெல்லி ஜந்​தர் மந்​தரில் மிகப்​பெரிய போராட்​டம் நடத்​தப்​பட்​டது. இதன் ​காரண​மாக ஒன்றிய கல்வி அமைச்​சர் பதவியில் இருந்து தர்​மேந்​திர பிர​தான் வில​கி​னார்.இந்த சூழலில் எஸ்​ஐஆர் விவ​காரம் தொடர்​பாக தலை​மைத் தேர்​தல் ஆணை​யர் ஞானேஷ்கு​மார் பதவி விலக வேண்​டும். இல்​லை​யென்​றால் அக்டோபர் 10ம் தேதி முதல் டெல்​லி​யில் கால​வரையற்ற போராட்டம் தொடங்​கப்​படும் என்று கரப்​பான்​பூச்சி ஜனதா கட்சி அறி​வித்​தது.போராட்டத்தின் காரணமாக டெல்லிக்கு செல்லக்கூடிய பல ரயில்கள் ரத்து செய்யப்பட்டது. மேலும் டெல்லி மெட்ரோவின் 57 ரயில் நிலையங்களின் நுழைவு மற்றும் வெளியேறும் வாயில்கள் நேற்று இரவு முதல் மூடப்பட்டது. டெல்​லி​யில் நில​வும் அசா​தாரண சூழல் காரண​மாக பள்​ளி, கல்லூரி​களில் இன்று ஆன்​லைன் வாயி​லாக வகுப்​பு​கள் நடத்தப்படும் என்று பெரும்​பாலான கல்வி நிறு​வனங்​கள் அறிவித்து உள்​ளன.கரப்​பான்​பூச்சி ஜனதா கட்சி சார்பில் இன்று போராட்டம் நடந்த உள்ள நிலையில் டெல்லியில் இணைய சேவைகளை தற்காலிகமாக முடக்கி வைக்க உத்தரவிடப்பட்டுள்ளது. டெல்லியின் ஜன்பத் - கர்த்தவ்யா பாதை பகுதியைச் சுற்றி 4 கிமீ சுற்றளவில் மொபைல் இணைய சேவைகள் நேற்றிரவு 10 மணி முதல்இன்றிரவு 10 மணி வரை முடக்கி உள்துறை அமைச்சகம் உத்தரவிட்டுள்ளது.இதனை தொடர்ந்து டெல்​லி​யில் பலத்த பாது​காப்பு ஏற்​பாடு​கள் செய்​யப்​பட்டு உள்​ளன.டெல்லி காவல் துறையைச் சேர்ந்த 15,000 போலீ​ஸாரும், ஒன்றிய பாது​காப்​புப் படைகளை சேர்ந்த 23,000 வீரர்​களும் குவிக்​கப்​பட்டு உள்​ளனர். ஒட்​டுமொத்​த​மாக 38,000 வீரர்​கள் டெல்​லி​யில் பாது​காப்​புப் பணி​யில் ஈடு​பட்டு உள்​ளனர்.மேலும், வெளி​மாநிலங்​களில் இருந்து டெல்​லிக்கு வரும் பேருந்​துகள் தீவிர​மாக கண்​காணிக்​கப்​படு​கின்​றன. டெல்லி மற்றும் புறநகர்ப் பகுதி விடு​தி​கள், ஓட்​டல்​களில் தங்​கி​யிருப்​போர் குறித்து விசா​ரணை நடத்​தப்​படு​கிறது. டெல்​லியை ஒட்​டிய அண்டை மாநிலங்​களின் எல்​லைகளில் தீவிர சோதனை நடத்தப்படு​கிறது.டெல்லி ஜந்தர் மந்தரில் போராட்டம் நடத்த அனுமதி இல்லை என டெல்லி காவல்துறை கரப்​பான்​பூச்சி ஜனதா கட்சிக்கு அவசரக் கடிதம் அளித்துள்ளது. முன்பு நடைபெற்ற போராட்டங்களின் போது ஒப்புக்கொண்ட நிபந்தனைகளை முறையாகப் பின்பற்றாததாலும், விதியின் படி, 10 நாட்களுக்கு முன்பே விண்ணப்பிக்காததாலும் அனுமதி மறுக்கப்படுவதாகத் போலீஸ் தரப்பில் தெரிவிக்கப்பட்டுள்ளது