டெல்லியில் ஏஐ அடிப்படையிலான போக்குவரத்து மேலாண்மை திட்டத்துக்கு அமைச்சரவை ஒப்புதல்

02 Oct 2026
06:12 PM

டெல்லியில் போக்குவரத்து நிர்வாகத்தை மேம்படுத்தும் நோக்கில் ரூ.1,789 கோடி செலவில் செயல்படுத்தப்பட உள்ள ஏஐ அடிப்படையிலான போக்குவரத்து மேலாண்மை அமைப்பு திட்டத்துக்கு மத்திய அமைச்சரவை நேற்று ஒப்புதல் அளித்தது.

பிரதமர் மோடி தலைமையில் மத்திய அமைச்சரவை கூட்டம் நேற்று நடைபெற்றது. இக்கூட்டத்துக்குப் பின்னர் மத்திய அமைச்சர் அஷ்வினி வைஷ்ணவ் கூறியதாவது: டெல்லியில் போக்குவரத்து நிர்வாகத்தை மேம்படுத்தும் நோக்கில் ரூ.1,789 கோடி செலவில் செயல்படுத்தப்பட உள்ள ஏஐ அடிப்படையிலான போக்குவரத்து மேலாண்மை அமைப்பு திட்டத்துக்கு மத்திய அமைச்சரவை ஒப்புதல் அளித்துள்ளது.

நிகழ்நேர போக்குவரத்து தரவுகள், தேவைக்கேற்ப தானாக மாறும் சிக்னல்கள், தானியங்கி விதிமுறை அமலாக்கம் மற்றும் ஒருங்கிணைந்த கட்டளை-கட்டுப்பாட்டு அமைப்புகள் மூலம் டெல்லியின் தற்போதைய சாலை வலையமைப்பை மிகச் சிறப்பாக நிர்வகிக்க இந்தத் திட்டம் உதவும். இந்தத் திட்டம் 42 முக்கிய போக்குவரத்து வழித்தடங்களை உள்ளடக்கும். இது 2 ஆண்டுகளில் 3 கட்டங்களாக செயல்படுத்தப்படும். இவ்வாறு அவர் கூறினார்.

மாநிலங்களுக்கிடையேயான புதுப்பிக்கத்தக்க எரிசக்தி பரிமாற்றத்தை வலுப்படுத்தும் பிஎம்-தாரா திட்டத்துக்கும் மத்திய அமைச்சரவை நேற்று ஒப்புதல் அளித்தது. இந்தத் திட்டத்தின் மொத்த மதிப்பு ரூ.1.86 லட்சம் கோடி ஆகும். மின் அமைப்பை வலுப்படுத்தும் இந்தத் திட்டம் மாநிலங்கள் மற்றும் யூனியன் பிரதேசங்களில் இருந்து 135 கிகாவாட் புதுப்பிக்கத்தக்க எரிசக்தியை மின்வலையமைப்பில் இணைத்து வெளியேற்றும் மின்பரிமாற்ற அமைப்பை வலுப்படுத்தும். இந்தத் திட்டம் 2032-33 நிதியாண்டுக்குள் நிறைவேற்றப்பட இலக்கு நிர்ணயிக்கப்பட்டுள்ளது.

டெல்லியில் ஏஐ அடிப்படையிலான போக்குவரத்து மேலாண்மை திட்டத்துக்கு அமைச்சரவை ஒப்புதல்

தொடர்புடைய செய்திகள்

செய்திகள்

விளையாட்டு

சினிமா

அரசியல்

தொடர்பு கொள்ள

+91 9444855211

dinamailnews@gmail.com

www.dinamail.com

டெல்லியில் ஏஐ அடிப்படையிலான போக்குவரத்து மேலாண்மை திட்டத்துக்கு அமைச்சரவை ஒப்புதல்

தற்போதைய செய்திகள்

முக்கிய செய்திகள்

தொடர்புடைய செய்திகள்